| Verse |
Other Content |
Text |
| Ge 1:1 |
C
|
in principio creavit Deus caelum et terram |
| Ge 1:2 |
C
|
terra autem erat inanis et vacua et tenebrae super faciem abyssi et spiritus Dei ferebatur super aquas |
| Ge 1:3 |
C
|
dixitque Deus fiat lux et facta est lux |
| Ge 1:4 |
C
|
et vidit Deus lucem quod esset bona et divisit lucem ac tenebras |
| Ge 1:5 |
C
|
appellavitque lucem diem et tenebras noctem factumque est vespere et mane dies unus |
| Ge 1:6 |
C
|
dixit quoque Deus fiat firmamentum in medio aquarum et dividat aquas ab aquis |
| Ge 1:7 |
C
|
et fecit Deus firmamentum divisitque aquas quae erant sub firmamento ab his quae erant super firmamentum et factum est ita |
| Ge 1:8 |
C
|
vocavitque Deus firmamentum caelum et factum est vespere et mane dies secundus |
| Ge 1:9 |
C
|
dixit vero Deus congregentur aquae quae sub caelo sunt in locum unum et appareat arida factumque est ita |
| Ge 1:10 |
C
|
et vocavit Deus aridam terram congregationesque aquarum appellavit maria et vidit Deus quod esset bonum |
| Ge 1:11 |
C
|
et ait germinet terra herbam virentem et facientem semen et lignum pomiferum faciens fructum iuxta genus suum cuius semen in semet ipso sit super terram et factum est ita |
| Ge 1:12 |
C
|
et protulit terra herbam virentem et adferentem semen iuxta genus suum lignumque faciens fructum et habens unumquodque sementem secundum speciem suam et vidit Deus quod esset bonum |
| Ge 1:13 |
C
|
factumque est vespere et mane dies tertius |
| Ge 1:14 |
C
|
dixit autem Deus fiant luminaria in firmamento caeli ut dividant diem ac noctem et sint in signa et tempora et dies et annos |
| Ge 1:15 |
C
|
ut luceant in firmamento caeli et inluminent terram et factum est ita |
| Ge 1:16 |
C
|
fecitque Deus duo magna luminaria luminare maius ut praeesset diei et luminare minus ut praeesset nocti et stellas |
| Ge 1:17 |
C
|
et posuit eas in firmamento caeli ut lucerent super terram |
| Ge 1:18 |
C
|
et praeessent diei ac nocti et dividerent lucem ac tenebras et vidit Deus quod esset bonum |
| Ge 1:19 |
C
|
et factum est vespere et mane dies quartus |
| Ge 1:20 |
C
|
dixit etiam Deus producant aquae reptile animae viventis et volatile super terram sub firmamento caeli |
| Ge 1:21 |
C
|
creavitque Deus cete grandia et omnem animam viventem atque motabilem quam produxerant aquae in species suas et omne volatile secundum genus suum et vidit Deus quod esset bonum |
| Ge 1:22 |
C
|
benedixitque eis dicens crescite et multiplicamini et replete aquas maris avesque multiplicentur super terram |
| Ge 1:23 |
C
|
et factum est vespere et mane dies quintus |
| Ge 1:24 |
C
|
dixit quoque Deus producat terra animam viventem in genere suo iumenta et reptilia et bestias terrae secundum species suas factumque est ita |
| Ge 1:25 |
C
|
et fecit Deus bestias terrae iuxta species suas et iumenta et omne reptile terrae in genere suo et vidit Deus quod esset bonum |
| Ge 1:26 |
C
|
et ait faciamus hominem ad imaginem et similitudinem nostram et praesit piscibus maris et volatilibus caeli et bestiis universaeque terrae omnique reptili quod movetur in terra |
| Ge 1:27 |
C
|
et creavit Deus hominem ad imaginem suam ad imaginem Dei creavit illum masculum et feminam creavit eos |
| Ge 1:28 |
C
|
benedixitque illis Deus et ait crescite et multiplicamini et replete terram et subicite eam et dominamini piscibus maris et volatilibus caeli et universis animantibus quae moventur super terram |
| Ge 1:29 |
C
|
dixitque Deus ecce dedi vobis omnem herbam adferentem semen super terram et universa ligna quae habent in semet ipsis sementem generis sui ut sint vobis in escam |
| Ge 1:30 |
C
|
et cunctis animantibus terrae omnique volucri caeli et universis quae moventur in terra et in quibus est anima vivens ut habeant ad vescendum et factum est ita |
| Ge 1:31 |
C
|
viditque Deus cuncta quae fecit et erant valde bona et factum est vespere et mane dies sextus |